Көңіл қуантар шара!

Подробности
1 маусым - балаларды қорғау күні қарсаңында аудандық аурухана тарапынан шара ұйымдастырылды. 'Сенім' және 'Ақниет' кәсіподақ ұйымының атынан, сонымен қатар 'Ангелочки' ойын - сауық кешенінің басшысы Касимова Гузеля Абдишериповнаның демеушілігімен аурухана бөлімдерінде ем алып жатқан балаларды құттықтап, сый - сияпат табысталды. Игі шара аясында аурухана директоры Алия Ақжолтайқызы кішкентай бүлдіршіндерді құттықтап, жылы лебізін білдірді.

2014 жылғы 8 қаңтарда «Ұйғыр ауданының орталық ауруханасы» мемлекеттік қазыналық кәсіпорны «Алматы облысының денсаулық сақтау басқармасы» мемлекеттік мекемесінің шаруашылық жүргізу құқығындағы «Ұйғыр аудандық орталық ауруханасы» мемлекеттік коммуналдық кәсіпорны болып өзгертілді.

Кәсіпорынның меншік иесі және құрылтайшысы Алматы облысының әкімдігі болып табылады.

Қазіргі уақытта Ұйғыр ауданының денсаулық сақтау мекемелері 54 131 адамға қызмет көрсетеді. 14 жасқа дейінгі балалар – 15975.

Медициналық мекемелер желісі мыналар болып табылады: Ұйғыр орталық аудандық ауруханасы жанындағы мемлекеттік қазыналық кәсіпорны, оның құрамына ауысымына 300 келушіге арналған аудандық емхана, 75 төсектік күндізгі стационар және 165 төсектік тәуліктік стационар (оның 10-ы уақытша төсек) кіреді , оның ішінде терапия бөлімінде  36 төсек, хирургия бөлімінде 15 төсек, балалар бөлімінде 18 төсек, соның ішінде. жаңа туған нәрестелердің патологиясы және шала туылған нәрестелерді күтіп қарау 1 төсек, перзентхана бөлімі 30 төсек, соның ішінде  жаңа туған нәрестелердің патологиясы және шала туған нәрестелерді күтіп қарау 2 төсек, жұқпалы аурулар бөлімінде 50 төсек, паллиативтік көмекке 1 төсек, Реабилитациялық емдеу және медициналық оңалту үшін 12 төсек.