1 маусым – Халықаралық балаларды қорғау күні

Подробности
1 маусым – Халықаралық балаларды қорғау күні мерекесі қарсаңында Ұйғыр аудандық ауруханасының директоры Алия Ақжолтайқызы және аурухана қызметкерлері ауданымыздағы бірнеше отбасының шаңырағына арнайы барып, балаларды мерекемен құттықтады. Ізгі ниетпен ұйымдастырылған шара барысында бүлдіршіндерге сыйлықтар табысталып, ақжарма тілектер айтылды. Балалардың қуанышты сәттері мерекенің шынайы мәнін айқындап, отбасыларға көтеріңкі көңіл-күй сыйлады. Осындай қайырымды бастамалар арқылы балаларға мейірім мен қамқорлық көрсету – баршамыздың ортақ міндетіміз. Барша бүлдіршіндерді келе жатқан мерекемен құттықтаймыз! Балалардың жүзінен күлкі кетпесін!

2014 жылғы 8 қаңтарда «Ұйғыр ауданының орталық ауруханасы» мемлекеттік қазыналық кәсіпорны «Алматы облысының денсаулық сақтау басқармасы» мемлекеттік мекемесінің шаруашылық жүргізу құқығындағы «Ұйғыр аудандық орталық ауруханасы» мемлекеттік коммуналдық кәсіпорны болып өзгертілді.

Кәсіпорынның меншік иесі және құрылтайшысы Алматы облысының әкімдігі болып табылады.

Қазіргі уақытта Ұйғыр ауданының денсаулық сақтау мекемелері 54 131 адамға қызмет көрсетеді. 14 жасқа дейінгі балалар – 15975.

Медициналық мекемелер желісі мыналар болып табылады: Ұйғыр орталық аудандық ауруханасы жанындағы мемлекеттік қазыналық кәсіпорны, оның құрамына ауысымына 300 келушіге арналған аудандық емхана, 75 төсектік күндізгі стационар және 165 төсектік тәуліктік стационар (оның 10-ы уақытша төсек) кіреді , оның ішінде терапия бөлімінде  36 төсек, хирургия бөлімінде 15 төсек, балалар бөлімінде 18 төсек, соның ішінде. жаңа туған нәрестелердің патологиясы және шала туылған нәрестелерді күтіп қарау 1 төсек, перзентхана бөлімі 30 төсек, соның ішінде  жаңа туған нәрестелердің патологиясы және шала туған нәрестелерді күтіп қарау 2 төсек, жұқпалы аурулар бөлімінде 50 төсек, паллиативтік көмекке 1 төсек, Реабилитациялық емдеу және медициналық оңалту үшін 12 төсек.